ده كلام

واديني جيت علشان اكتب الكلام اللي هينكتب ويتقال عليه كلام فى كلام

ان قولت ان قلبي محبش الا مرة هيقولوا كلام فى كلام

وان قولت اني موت الف مرة هيقولوا كلام فى كلام

وان قولت اني وحدي عاشق وسط مليون كداب هيقولوا كلام فى كلام

طيب اسكت ولا اقول كمان

ان سكت قالوا بياع كلام خاد اللي عايزه وفاض كمان

وان اتكلمت قالوا تاني كلام فى كلام

غلبت اه يا أنى من اللي ما صدق كلامي

سنين اجري واقول باعلى صوتي وانادي

يا ناس ، يا خلق

ورب الناس ورب الخلق ما انا بياع كلام ولا عمري قولت كلام فى كلام

صدقوني اشتروني ذي ما اشتريتكم ولا عمركم تبعوني

قالوا حلنجي اقول كلامنجي من كتر ما بقيت اكتب كلام

بأيدي أيه أعمله غير أني أكتب كلام فى زمن انعدم فيه الفعل وبقى فى طي النسيان

حبيت حبيبه مني قريبة ولا عمري انا اتخيلتها عني بعيدة

قربت وما صدقت حبيت ومنها عرفت كلمة بحبك ذى ما قالوا فى الكتاب بالظبط

حكينا وادينا وقولنا كتير كلام

وعود وادينا وياما وفينا بس نروح فين من اللي بيرموا كلام

بظروف مرينا وبعيد توهنا واتخبينا

لا وعود افتكرنا ولا بكلامنا استنينا

عمال يدادي وبكرامته يطاطي

فكر هترجع وليه هتركع ما لقى الا العند والخناق يوماتي

غلب أخينا من ده الحال

غلب وتعب بس ما ضعف وطاطا تاني وتالت كمان

عمال يقول بحبك يا ست عشقتك ارجوكي ارحميني

لا الست ترد ولا هو يستكفى ومن العذاب يدوق كمان وكمان

وادي حكايته اللي بيقول عليها ما ليها مثيلا فى اي ماض ٍ كان

واللي ياما قالوا عليها كلام فى كلام