كل سنة وانتوا طيبين

مساء الخير عليكم جميعا

وكل سنة وانتوا طيبين

العيد فرحة وماء وبتاع وشاي بالنعناع

طبعا انا دماغي مظبوطة موووووت

تقدري تقولوا من فترة كبيرة مش حسيت الاحساس ده وانبسطت بالشكل ده فى عيد

او بالاحرى انا اصلا عمري ما حسيته

انبساط وروقان ودماغ حلوة وحرية فى اتخاذ القرار خروجات وفسح وذى ما تقول قول

يعني على الرغم ان حتى لو مفيش حاجة مميزة الا اني حاسس باحساس جميل

وهو الرضا عن النفس ورضا عن كل حاجة بتحصل

مش مخنوق من حاجة اد ما انا انا نفسي ان اللي جاي يكون كده واحسن كمان

نفسي مقعش فى حياتي تاني

وافضل واقف على رجلي ذى ما انا دلوقتي

سواء انا مرتاح فى الحياة او فى الشغل او الدارسة او حتى فى الحب او لا

المهم اني اكون مرتاح من جوايا

الاحساس ده بجد مش قادر اوصفلكوا

ازاي ممكن ينقل الانسان نقلة كبيرة من اي الم هو عايش فيه

لدنيا تانية خالص شايف ان اي حاجة فيها مهما كانت وحشة الا انه يقدر يتعامل معاها ويتكيف

ذى ما بيقولوا فى الجيش اتصرف

يعني مش شرط الحياة كلها تجيلي لحد عندي وتطلب مني بحياء اني اعيشها

لا لازم انا اللي اروح هنا وهناك واجرب الحلو والوحش وفى النهاية الدنيا يوم ويوم

يوم هرتاح ويوم لا

يوم هنبسط ويوم لا

يعني مهما حصل اكيد فى النهاية مش هتوه من نفسي

حسام

اللي بحبه

اكيد مش هتوه منه مهما حصل لاني حابب نفسي بكل حال من الاحوال

عكس قبل كده

مكنش ده موجود

اوعدكوا اني احاول اخلي اللي جاي من حياتي احسن

وكلكوا تفخروا بيه بما انكوا كلكوا جزء مني

جزء من التغيير اللي بيحصل فى حياتي للافضل

ان شاء الله

مع تحياتي

سمسم