خلاص كرهت نفسي من اللي بيحصلي وجاني
جنيت على نفسي بكرهي لذاتي وكياني
يوم ما فكرت اكره مكرهتش غير حالي
تعبت من اللي بيجرالي ومن حبيبي الغالي
خلاص كرهت نفسي من اللي بيحصلي وجاني
جنيت على نفسي بكرهي لذاتي وكياني
سكت وقولت هيجيني اكيد
وكان الرد بعاد من نوعه فريد
حبيبة تحب حبيبها وتسيبه ليه
هو الحب فى حياتنا ممنوع نعيش ليه
خلاص كرهت نفسي من اللي بيحصلي وجاني
جنيت على نفسي بكرهي لذاتي وكياني
دموعي على خدودي كترت وبقت سيل
وحبيبي بعيد عني جايز من الفرحة يطير
حبتني وسابتني وبقلبها أسرتني
قربتني غربتني وبعيونها سحرتني
جنيت على نفسي بكرهي لذاتي وكياني
يوم ما فكرت اكره مكرهتش غير حالي
تعبت من اللي بيجرالي ومن حبيبي الغالي
خلاص كرهت نفسي من اللي بيحصلي وجاني
جنيت على نفسي بكرهي لذاتي وكياني
سكت وقولت هيجيني اكيد
وكان الرد بعاد من نوعه فريد
حبيبة تحب حبيبها وتسيبه ليه
هو الحب فى حياتنا ممنوع نعيش ليه
خلاص كرهت نفسي من اللي بيحصلي وجاني
جنيت على نفسي بكرهي لذاتي وكياني
دموعي على خدودي كترت وبقت سيل
وحبيبي بعيد عني جايز من الفرحة يطير
حبتني وسابتني وبقلبها أسرتني
قربتني غربتني وبعيونها سحرتني
هناك 6 تعليقات:
صدقني مفيش حد يستاهل انك تكره نفسك علشانه انت حب واخلص ولو مش لقيت اللي يحبك باخلاص مش تزعل ولا تندم لانه اكيد هو الخسران
كلماتك كتير لطيفه
تحياتي
والله انا ما عارفة اقولك ايه بس كل اللى حاسّة بيه ان قرارى لما قررت اقفل قلبى دة خالص لحد ما ربنا يشاء بعلاقة رسمى كان صحيح بس مش عارفة هو معنى كلامك واهاتك واهات اخرين انى اقرر اقفل خاااالص بقى ولا ايه انا واحدة مش بستحملالام من هذا النوع والمى انى لوحدى مهما كان اخف من المى لما احب ومطولش او احب واتصدم خصوصا انى بنت ومع احترامى ليك الوالاد مبقاش ليهم اماان... ونصيحتى ليك اوعى تكره نفسك دى هى اللى باقيالك واوعى تفرط فى حب حد على الاقل قبل ما ترتبط بيه يعنى اوعى تنزل المياه الا اذا كان معاك عوامة او على الاقل عارف عمق المية اللى انت نازلها بس بما ان الفاس وقعت فى الراس خلاص يبقى حاول تشغل نفسك وتدعى ربنا يوفقك للى فيه الخير ويا رب يارب لو كان فيه خير يجماعكوا والله بدعى من قلبى انا صحيح قافلة قلبى بس رومانسية جدااا وحاسة بيك ربنا يوفقك ...
انا متضايقه اوي لان اول مرة اعلق عندك يكون في كمية الكره دي كلها
هو الخير علي قدوم الواردين ولا ايه؟ هههههههههههههههه
ما علينا
المهم انا خايفه تكون دي حاله بتمر بيها اتمني انها تكون مجرد خواطر
تحياتي
ممكن اهديلك ابيات شعر ترد على ابياتك؟
بحبك لأن مفيش ادى هيحبِك
ولأنى مفيش غيري شايل همك
ولأنى بجد عارفة انك تستاهلى حبي واحترامى تستاهلى كل كبريائي
دة كلام بجد انا مش بجاملك
ومش هتغر فيكي لأنك
ليكي قدر وانا عارفاه
بحبك يا انا
ومش هستعيذ من قولة انا
لأنى لا ذمب ولا اجرام
ولأن وجودى مش حرام
ولأنى مش هقبل اعدام \
كونى طول مانا هنا
ياسمين القاضي
ابدعتي يا ياسمين وكلامك غطا على كلامي
معرفش مين كدب عليكي وقالك ان اني انا اللي كاتب البوست وانتي اللي بتردي عليه بابيات
المفروض دلوقتي العكس
انتي اللي كاتبة البوست وانا اللي ارد عليه بابيات ولو اني مش هبقى اد المقام
بحيكي على حبك لنفسك
وعلى انك لاقتيها
ادعيلي الاقي نفسي بعد ما ضاعت مني
ميرسي اوي يا انجل على كلامك
وعارف انك مقتنعة تماما ان مفيش حد يستاهل اني اكره نفسي عشانه
بس دايما لكل قاعدة شواذ
تعبت صدقيني من كرهي لنفسي
لحد ما نسيتها ومش لاقيلها حل
إرسال تعليق