أد أيه حاسس اني تعبان وشايل هموم كتيرالموضوع مش موضوع قصة حب مليش حظ فيها
ولا وحدة عايش ليلي نهاري بيها
الحكاية حكاية قلب تعب من الجرح والاه
تعب من ليالي تفوت ميشوفيش فيها غير الدموع مسواه
الحكاية مش حكاية ماضي فات ولا حاضر مهدور
الحكاية حكاية مستقبل خايف اكون فيه ذى اللي قبله مظلوم
يمكن اكون غاوي حكاوي وكلام
بس حالي مهواش بس كلام فى كلام
انا حاسس بوجع كبير فى قلبي ممنوش خلاص
حاسس ببعد عن حالي وتوهان وسط الناس
حاسس بحرمان من كل حاجة حلوة
لمستها ايدي فى يوم بكل اخلاص
..........
المخلص دائما
حسام
هناك 4 تعليقات:
اولا الف سلامة عليك ...ثانيا سبحان الله انا كل ما اقرر اكتب مدونة جديدا وادخل ازور مدونتك الاقي موضوعى رد على تدوينتك الجديدة ...هقولك ايه اكيد ادخل اقرأ على الرد اللى كنت كاتباه قبل ما اشوف تدوينتك وعلى فكرة انا عندى حل نفسي حلو اوى تصور انى سمعت من دكتور يوجا فى ساقية الصاوى ان اليوجا نفسي حلو اوى اوى اوى ورياضة ذهنية وعصبية فى المقام الاول بجد خليك عملى اعمل حاجة عشان لما تيجي تقف مع نفسك متلقيش عليها لوم (ان لنفسك عليك حق) اتفضل روح اشترك فى كورس اليوجا فى الساقية وقوللى عملت ايه فى كورسات التنمية البشرية اللى انت روحتها؟؟؟!!
انا بجد مش عارفه اقولك إيه؟
بس معقول كده؟
انت مصمم كل مرة توجعلي قلبي ياحسام
أنا ناقصه يعنى !!
المهم:
زي ماقولت لك قبل كده حاول تدور علي سعادتك،اكيد لكل واحدشئ او شخص هيلاقي سعادته فيه او معاه .
*أتمنى إنك تعيش حياه كلها سعاده.
وكل سنه وأنت طيب بمناسبه عيد الأضحي المبارك.
علي الهامش:
انا عارفه انى قصرت في متابعتى لمدونتك بس والله التقصير ده كان مع نفسي أنا كمان.
جيسي
ازيك عاملة ايه
انا مش عارف انتي ايه حكايتك معايا
بس حقيقي ميرسي على اهتمامك
وموضوع اليوجا ده تخيلي اني اصلا بحبه وياما كتير بعمله فى اي وقت واي مكان
انا على فكرة خريج تربية رياضية وبحضر الماستر كمان ودرست الكلام ده
بخصوص التنمية البشرية
هقولك عليها بعدين
بس تاكدي ان حالي دلوقتي افضل
كل سنة وانتي طيبة
شموسة تاني
يا بنتي انا قولتلك متهوبيش ناحية المدونة بتاعتي عشان قلبك مش يوجعك
بهرج معاكي
امممممم
على فكرة يا جماعة انا اليومين دول مبسوط
ومش ذى ما انتو فاكرين لاني لاقيت حد يبسطني وبتاع
لا لاني لاقيت نفسي انا
وبقيت بعرف الاقي الحاجات اللي ممكن تخليني مبسوط فى الدنيا ولو للحظة
واي حاجة بتوجعني بقيت بتجنبها ومش بقربلها وبوقفها عند حدها
متقلقوش عليه يا بنات
انا جامد جدا
ههههههههه
سلام وكل سنة وانتوا طيبة يا شموسة
إرسال تعليق