مساء الخير على عيون الناس اللي بتقرا الكلام اللي انا متاكد مليون فى الميه ان فى الغالب مش هيقراه غيري وقلة من تربطهم علاقات بيه
عاملين ايه واخباركوا ايه
حقيقي ليكوا وحشة
ولا بلاش الكدب
الموقع وكتابتي فيه هي اللي وحشتني بردو
بردو مش تكدب
الحقيقة انا مبجيش هنا الا اما خلاص بحس انها متقفلة فى وشي
وان مفيش سبيل ليه الا اني اجي للمكان الوحيد اللي مش هيصدني
لاني عارف ومتاكد ان لا يمكن القلم هيبطل كتابة ولا عمر الافكار هتخلص من دماغي
كالعادة بلف لفتي بطولها بقصرها مهما غبت باجي فى النهاية هنا
حاسس ان هنا بيتي اللي باخد راحتي فيه
بحس أحيانا اني برتاح هنا اكتر ما برتاح فى اي حتة تانية مع اصحاب مع احباب ايا كان مع مين
جايز ده يرجع لاني هنا انا الوحيد صاحب الكلمة والقرار
وانا اللي بقول اه وانا اللي بقول لا
ومتمكن من الامور وعارف امتى اكتب وامتى اسكت وامتى اكمل من جديد
جايز تكون هي دي شخصيتي الحقيقية اني بحب اكون متحكم فى الامور وانا الامر الناهي فى اغلب الحاجات
الحقيقة مش عارف
انا بس جاي عشان اتكلم شوية واديني اتكلمت
واكيد راجع عن قريب او من بعيد
المهم اني راجع
وعارف انك لما هرجع مش هلاقي مكاني مشغول
وهلاقيه فاضي ومستنيني بترحاب
لان هنا بيتي
حقيقي بحب المكان هنا
وبحب وجودي فيه
سلام واشوفكوا بعدين ياللي شوفتوني
هناك 5 تعليقات:
احم احممم دستووووور يا اهل الداااار ـ الا يكون حد خالع راسه وللا حااااده ـ
ايه الاخباااار ياعمو واحشني بجد ووحشنى اكتر الكلام معاك ولحظات الصراحه اللى بتودي ف داهيه دي . وحشني برضو احساس ان ليه اخ مش اخويا وبخاف عليه واكون جنبه ف كل الاوقات زي مايكون اخويا بجد . ازعق فيه شويه واتخنق منه شويتين واقوله الحقني لما اعمل مصيبه وللا اكون خايفه من حاجه ... كلللل الحاجات دي وغيرها وحشتني اكتر منك
ماعلينا
المهم ياسمسم انا حبيت ادخل اشوف ايه جديدك ووصلت لحد فين بس انت بقالك كتير مش دخلت بيتك .. الا هو انت مبتجيش ليه!!؟ مش تبقى تيجي؟!!!؟ ابقى تعالى يارااجل ............. تاااااكسيييييي
دا مين القطه المغمضه اللي مشرفاني النهارده دي
عالعموم منوراني وانا مش غايب ولا حاجه انا بس نايم شويه
إشهد يازماااااااان
سجل ياتارييييخ
سمسم ابن ام سمسم بيقول عليه قط مغمضه
اخس عليك ياسمسم معرفتنيش كده ؟؟!؟
مكنش العشا ولا الغداا
انا الست جيجي يا سمسم
ومش هسمح بالغلطه دي تتكرر تاني
المفروض قلبك دليلك . وان مكنش فيه ابقى هات دليل التلميذ بدل ماتخبط ف الناس كده
.................................
..............................
إرسال تعليق